 |
|
3. De Holsten inne Hamm
(1404)
[188] Wat treckt dar dœr de Hamme so blank un so roth?
Wul dreehunnert Holsten-Herrn, de hebbt son frischen Moth.
De ditmarschen Buern de harrn dat rode Gold,
De ditmarschen Buern de warn so gar to stolt.
Wat liggt in de Hamme so bleek un so roth?
Wul dreehunnert Holsten de drivt dar in ęr Blot.
De ditmarschen Buern de hebbt süm dat lehrt:
Se harrn ok dat Isen, to Plog un to Swęrt.
Wat treckt dœr de Hamme so witt un so bleek?
Wul dreehunnert Eddelfruns, de halt de Liken weg.
De ditmarschen Buern de stunn' inne Hamm:
Un wenn der Herren wedder kamt, so mag se Gott verdamm'!
|
Ausgewählte Ausgaben von
Quickborn
|
|
- ZenoServer 4.030.014
- Nutzungsbedingungen
- Datenschutzerklärung
- Impressum