Online-Bibliothek

1585.

[325] Dat is ene segheny. Dat hilge cruce † sy vor my! Myt der benedighinge sy ik benediet, dar unse here sine junghere mede benediede unde seghende, do he to hemmel vor. Sunte Elyzabeth myt ereme sone Johanne benedie my. Also de dre koninghe van unseme heren Ihesu Cristo ghebenediet unde gheleydet sint, also leyde he my unde wedderbringhe my. Nu † seghene unde benedie my Ihesus Cristus, de sone der juncvrouwen Marien sy hute myn halsberch unde myn beheler. De ghude enghel sunte Mychahel sy myn belin. De truwe sunte Peter sy myn beschermer in alle mynen weghen, unde myt der segheninghe sy ik gheseghent, dar unse here got de dre kindere mede seghende, de Nabugodonsor wolde vorbernen laten.

Rostocker Handschrift VI, 1, 7. Perg 14. Jahrhundert, gegen Ende.