Online-Bibliothek

Ręgenleed

[22] Ręgen, Ręgen drus',

Wi sitt hier warm in Hus'!

De Vageln sitt in Bom to kurn,

De Köh de stat an Wall to schurn:

Ręgen, Ręgen drus',

Wi sitt hier warm in Hus'![23]

Ręgen, Ręgen rusch,

Wa rükt dat ut den Busch!

De Blöm de hangt so slapri dal,

De Böm de röhrt de Blœd ni mal:

Ręgen, Ręgen rusch,

Wa rükt dat ut den Busch!

Ręgen, Ręgen sus'

Vun baben op uns Hus,

Vunt Dack hendal in striken Strom

Un lisen ut den Eschenbom:

Ręgen, Ręgen sus'

Vun baben op uns Hus.

Ręgen, Ręgen rull,

Bet alle Gröben vull!

Denn lat de Wulken œwergan,

Lat de Sünn wedderkam':

Ręgen, Ręgen rull,

Bet alle Gröben vull!