Online-Bibliothek

Scena sexta.

[323] Iohan Bouset. Greth.

IOHAN BOUSET. Gott geff v ein guden Dach, Myn Herr hat mey uthgeschickt vmm thokopen ein Gans, Ende zucker, Ende gewürtz, Damit tho tractirende syne Gastens. Ick sal gahn vp dat Marck, ende besien wat dar feil is. Auerst siet? Dar komt ein Frow her, Dat moth ick anspreken. Hört eins Frow. wo duir gefft ghy dat Gans, dat ghy dar draget int Sack. Ick frag wat ick aw vor dat Ganß, dat ghy vp de Rügge draget geffen soude. Vnd weiset drauff.

GRETH. Lat mick de Goß vngehiet, Dat is mine Goß, Dat dick nümmer gaut geschey, Wultu eine heffen so schaffe dick eine, vnd heffe den Düuel dartho.

IOHAN BOUSET. Den Důuel beger ick niet, Ick will den Gans hebben.

GRETH. Lat mick vngehiet, Vnd lath mick de Goß thofreden, Du hast se nicht betalet.

IOHAN BOUSET. Ick en sal se aw auerst betalen.

GRETH. Hörstu ock wol du lose Schelm, dat du mick bliuen latest, vnnd brüe darhen dar du tho donde hast, vnd lath mich ock miner wege gahn.

IOHAN BOUSET. Ghat hen ick sal aw niet houden, Auerst secht mey, wie iß aw de Howboim bekommen, den ghy vor ein Ahl gethen hebt, Ha ha ha.

GRETH. Lache dat deck nümmer gut gesche, maustu mick armen Fruwen ock noch bespotten.

IOHAN BOUSET. Ha ha ha. Dat moth ein bister Frow syn, ick sou ihr gelt geuen vor dat Gans, Ende sie meinet, ick wilt se ehr nehmen. Si en moth niet klock sin. Wat wilt min Here noch hůde seggen als ick komm vnd bring nist, Ick en sal tho Huis gahn, ick sal hir niet[324] veel krigen. Auerst dar komt noch ein Frow, met ein roth mütz, Dat moth ick noch anspreken, Efft sie ein Doctors Frow wehre, vnnd mey Zucker vnnd andern Gewůrtz vorkopen wilt, Denn mey důcht, dat sey ein Doctors Frow, Se hat ein roth mütz up ihr Kop.