Online-Bibliothek

16. [358] Die Frâ, dos hippel un dos hindel.

Mündlich aus Lautenthal.

's is emål ne frâ kewâsen, die hot e hippel unne hindel kehot un hot wulla ze chårmarrikt kîn, un do spricht se ze den hippel, 's sull darhem blâm; do tûts dos hippel toch nit un do spricht se ze den hindel: »hindel bâss es hippel, hippel will nit hem kîn, dos ich konn ze chårmarrikt kîn!« Åber dos hindel hot's hippel nit kebissa, 's hippel hot nit wulla hem kîn, dos se kunt ze chårmarrikt kîn.

Då kimt se bâ'n steckel; spricht se: »steckel schlå's hindel, hindel will nit hippel bâssa, hippel will nit hem kîn, dos ich konn ze chårmarrikt kîn.« Åber's steckel hot's hindel nit kschlån, 's hindel hot 's hippel nit kebissa, 's hippel hot nit wulla hem kîn, dos se kunt ze chårmarrikt kîn.

[358] Då kimt se bâ'n feier; spricht se: »feier prenne mål 's steckel, steckel will hindel nit schlån, hindel will hippel nit bâssa, hippel will nit hem kîn, dos ich konn ze chårmarrikt kîn.« Åber's feier hot's steckel nît kepront, 's steckel hot's hindel nit kschlån, 's hindel hot's hippel nit kebissa, hippel hot nit wulla hem kîn, dos se kunt ze chårmarrikt kîn.

Då kimt se bâ'n wosser; spricht se: »wosser lesche mål feier, feier will nit steckel prenna, steckel will nit hindel schlån, hindel will nit hippel bâssa, hippel will nit hem kîn, dos ich konn ze chårmarrikt kîn!« Åber's wosser hot's feier nit kelescht, 's feier hot's steckel nit kepront, 's steckel hot's hindel nit kschlån, 's hindel hot's hippel nit kebissa, hippel hot nit wulla hem kîn, dos se kunt ze chårmarrikt kîn.

Då kimt se noch'en uchs un spricht: »uchs sâf mål wosser, wosser will nit feier lescha, feier will nit steckel prenna, steckel will nit hindel schlån, hindel will nit hippel bâssa, hippel will nit hem kîn, dos ich konn ze chårmarrikt kîn.« Åber dar uchs hot nit wosser kesuffa, 's wosser hot's feier nit kelescht, 's feier hot dos steckel nit kepront, 's steckel hot's hindel nit kschlån, hindel hot's hippel nit kebissa, hippel hot nit wulla hem kîn, dos se kunt ze chårmarrikt kîn.

Då kimt se noch'en fläscher un spricht: »fläscher schlochte mål en uchs« un do hot dar fläscher den uchs schlochta wulla, un do hot dar uchs ksåt, hâr wulle's wosser hsâfa, un do hot's wosser ksåt, 's wulle feier lescha, un's feier hot ksåt, 's wulle steckel prenna, un's steckel hot ksåt, 's wulle 's hindel schlån, un's hindel hot ksåt 's wulle 's hippel bâssa, un's hippel hot ksåt 's wulle hem kîn, dos sâne frâ kenne ze chårmarrikt kîn.