68. Up wat?

[373] »Fik«, seggt de Ollsch, »dat is vörbi.

Du lettst nahgrad de Treckeri!

Ick heww den ganzen Rummel satt,

Taum Frigen, Dirn, dor hürt ok wat,

Un du hest nicks, un hei hett nicks,

Ut de Geschicht dor ward kein Büx,

Du kannst noch gaud en annern krigen.

Hei is en wohren Snurrer jo!

Up wat denn wull'n ji jug woll frigen?«

»Up Pingsten, Mutting, dacht' wi so.«

Quelle:
Fritz Reuter: Gesammelte Werke und Briefe, Band 2, Rostock 1967, S. 373.
Lizenz:
Kategorien: