Online-Bibliothek

629. Hadermanns Brautfahrt.

[490] »Hott, Hott, Hadermann,

Treck dien Vader sien Stęweln an!

Sett di up dat beste Pęrd,

Bistu hundert Daler węrt.«

He reed bet hier, he reed bet dar,

He reed wul hen na Franken.

Un as he hen na Franken keem,

Da muß he sien Verwunderung seen:

Dar seet de Koh bit Füer un spunn,

Dat Kalf leeg in de Weeg un sung,

De Katt de wusch de Schötteln ut,

De Hunt de knęd de Botter ut.

De Fleddermuus

De fęg dat Huus,

De Schwölken mit ęr spitze Schnuut,

De Schwölken drogen den Dreck herut,

Un achter de grote Schün

Da döschden dree Kapün,

Se döschden af

Good Hawerkaff;

Da bruen se good Beer daraf.

Dat Beer füng an to susen:

De Bruut leep ut dem Huse,

De Voß mit den langen Schwanz

De maak de Bruut den Vœrdanz;

De Adebar wull up den Bœn,

Dat weer de Bruut ęr Süstersœn;

De Höner up den Wiemen

De dęden darvan beswiemen;

De Heister up den Tuun

De word dervan so duun;

De Kukuk int Nest

Versöp in den Gest,

Kalf in den Stall,

Pęrd in de Eck,

Haan upt Reck,

Kükereküh!

Aus Plön, Eutin, Reinfeld, Dithmarschen etc. Die Überlieferung ist oft lückenhaft, und variiert im einzelnen und am Schlusse. Der Anfang lautet oft so:

Ik weet en Land,

Dat kener weet,

Dat weet ik van mien ool Margreet.

Dat schreev ik an de Planken

Un reed damit na Franken etc.

Schwölken, Schwalben; Hawerkaff, Haferspreu; Wiemen, die Hühnerstiege; beswiemen, ohnmächtig werden; duun, betrunken; Gest, Hefe.