Online-Bibliothek

Zehnte Scene

[55] Vorige, Frau Dummbach.

FRAU DUMMBACH. Ach mei Schwesta wor ganz ausser sich! Die Welt deht alle Daak schlechter wern, hot se gesogt: sie will aach ausziehe, daß, wann's bei uns Feier gehbt –

DUMMBACH ärgerlich. Ja, daß se sich dann net des Hern vabrenne deht, wie du olt Weschfrah!

FRAU DUMMBACH. No, wos willst-de dann von mir?

DUMMBACH. Host-de dann net soviel Eisicht, daß, wann mer des Ding an die groß Glock hengt, daß der Kujon dann gewiß ewäck bleibt?

FRAU DUMMBACH. No, ich hob's jo nor meiner Schwesta gesogt.

DUMMBACH. Des is grood so gut, als wann-des hest ausschelle losse. Die setzt jetz ihrn Schwortemooge uf un werft ihrn Schanzelupp um un lahft vum Pontio bis zum Pilato un kreischt's aus: die nimmt kah viel Geld davor, daß se's net wißt. Duht mer awwer noch Ahns e Maul uf!

FRAU DUMMBACH. Nah, for Die bin ich gut, wann Die e Wertche ewäck sehkt –