Online-Bibliothek

Neunte Scene

[54] Marie, hernach Dummbach.

MARIE mitleidig. Du ohrmer Deiwel! Er mahnt, es wehr Madeh am Letzte! Sei mehr undrei! Jetz host- de die Engste davor! Wann[54] ich nor e Buffink sei kennt un kennt uf dem Bahm sitze, wann die Belezeidiener iwwer'n hersterze, ich deht mich ästig lache. Dummbach kommt.

MARIE ihm entgegen. No?

DUMMBACH. Alles in Richdigkeit. Jetz vor alle Dinge is mer gesagt worn: des Maul gehalde, – kahm Mensche Ebbes davoh gesagt, sunst peift er uns wos, daß er kimmt. Wo is dann die Mudda?

MARIE. Sie is uf en Sprung eniwwer zu der Dante.

DUMMBACH. Do howwe mer'sch jo! Die kann's net uf dem Herz behalte, sunst wehr-er der Herzbennel geblatzt. O Weibsleit!