Online-Bibliothek

Schickelman wonet bei dem wege.

[259] Diß ist ein Sächsisch Sprichwort / vnnd dem vorigen nicht vngleich. Die zeit heyßt Schickelman / die alle ding treibet / schicket / wartet / vnnd ordnet / Dann in der zeit geschehen alle ding / darumb sitzet sie am wege / vnnd sihet zů was alle leut thůn. Ja sie sihet nicht alleyn zů / sonder sie richtet / strafft / bessert /vnnd ärgert alle ding. Junge[259] leut der jugent halben seind mildt / die zeit der Schickelman macht sie karg /wenn sie alt werden. Wer frölich ist / vnnd es widerfert einem ein vnglück / so macht Schickelman / die zeit die jm begegnet / daß er betrübt wirt. Also thůt Schickelman / die zeit / in allen sachen vnd wesen auff erden.